Maharashtra School: राज्यातील सर्व शाळा १ एप्रिलपासून सुरू होणार! वार्षिक वेळापत्रक CBSE प्रमाणे आखण्याची शिफारस

CBSE pattern in Maharashtra School: सीबीएसईच्या धर्तीवर लागू होणारा अभ्यासक्रम पूर्ण करण्यासाठी शाळांमध्ये दर दिवशी अध्यापनाचे पाच ते साडेसहा तास होणे आवश्यक आहेत. सध्या पूर्ण वेळ किंवा दोन सत्रांमध्ये भरणाऱ्या शाळांमध्ये हे प्रमाण चार ते साडेचार तास आहे. त्यामुळे शाळांना शिकवण्यासाठी कमी वेळ मिळत आहे. यामुळेच सुट्ट्या कमी करून हे तास भरून काढण्याचे नियोजन आहे.

राज्यातील सर्व शासकीय, खासगी अनुदानित, विनाअनुदानित शाळांमध्ये लवकरच सीबीएसईच्या धर्तीवर अभ्यासक्रम राबवला जाईल, असे शालेय शिक्षणमंत्री दीपक केसरकर यांनी जाहीर केले होते. त्या अनुषंगाने शाळांचे वार्षिक वेळापत्रकही सीबीएसई शाळांप्रमाणेच आखण्याची शिफारस नव्या राज्य अभ्यासक्रम आराखड्यात करण्यात आली आहे. या शिफारशीबाबत राज्य शिक्षक, मुख्याध्यापक संघटना हरकत नोंदवण्याची शक्यता आहे.

या आहेत शिफारशी

• नवीन शैक्षणिक वर्ष १ एप्रिलला सुरू, ३१ मार्च रोजी वार्षिक परीक्षेच्या निकालाने समाप्त
• मे हा एक महिना उन्हाळी सुट्टी
• एक जूनपासून पुन्हा शाळा सुरू
• खूप दीर्घकालीन सुट्ट्या न देता शाळेतच अध्ययन-अध्यापन प्रक्रिया सुरू ठेवणे

सुट्ट्या कमी का करणार?
सीबीएसईच्या धर्तीवर लागू होणारा अभ्यासक्रम पूर्ण करण्यासाठी शाळांमध्ये दर दिवशी अध्यापनाचे पाच ते साडेसहा तास होणे आवश्यक आहेत. सध्या पूर्ण वेळ किंवा दोन सत्रांमध्ये भरणाऱ्या शाळांमध्ये हे प्रमाण चार ते साडेचार तास आहे. त्यामुळे शाळांना शिकवण्यासाठी कमी वेळ मिळत आहे. यामुळेच सुट्ट्या कमी करून हे तास भरून काढण्याचे नियोजन आहे.