virel news dhakaदायक ! मुंबईत CSMT परिसरात महिलेवर दोघांकडून बलात्कार, अज्ञातांवर गुन्हा दाखल
मुंबईत सीएसएमटी स्थानक परिसरात महिलेवर बलात्कार झाल्याची धक्कादायक घटना घडलीय. दोघांनी एका महिलेवर बलात्कार केला असून या प्रकरणी लोहमार्ग पोलीस ठाण्यात गुन्हा दाखल झाला होता.
तो गुन्हा तपासासाठी एम आर ए मार्ग पोलीस ठाण्यात वर्ग करण्यात आला आहे. या प्रकरणातील दोन्ही आरोपींचा शोध घेतला जात आहे.
याबाबत मिळालेली माहिती अशी की, बुधवारी रात्री १२ च्या सुमारास ही घटना घडलीय. सीएसएमटी परिसरात असलेल्या टॅक्सी स्टँडच्या मागे बलात्काराची ही घटना घडलीय. या घटनेनंतर रेल्वे पोलिसांनी गुन्हा दाखल करून घेतल्यानंतर महिलेला एका सामाजिक संस्थेत ठेवण्यात आलं होतं.
महिलेबाबत चौकशी करण्यासाठी एम आर ए मार्ग पोलीस सामाजिक संस्थेत गेले होते. पण महिला तिथून निघून गेली असल्याची माहिती समोर आलीय.
पीडितेनं जबाब दिल्यानंतर ती पुन्हा समोर आलेली नाही. यामुळे तपासात आवश्यक ती माहिती मिळत नाहीय. आता महिलेचा शोध पोलीस घेत आहेत. तर गुन्ह्याचा तपास सीसीटीव्हीच्या माध्यमातून सुरू केला आहे.