Funny Video: AI चं नवं रूप समोर आलं आहे. या
व्हायरल होत असलेल्या व्हिडीओमध्ये तुम्ही एका व्यक्तीला अवघ्या ३० सेकंदात चॅटजीपीटीच्या मदतीनं रस्ता तयार करताना पाहू शकता.
गेल्या काही काळात AI टेक्नोलॉजीचा वापर लक्षणीय प्रमाणात वाढत चालला आहे.
व्हिडिओ पाहण्यासाठी येथे क्लिक करा
अगदी सोशल मीडियापासून ते खाण्यापिण्याच्या वस्तूंपर्यंत तुम्ही कोणतंही क्षेत्र म्हणा, तिथं AIचा ठसा उमटलेला दिसून येतो.
याच पार्श्वभूमीवर सध्या एक थक्क करणारा व्हिडीओ सोशल मीडियावर चांगलाच व्हायरल होत आहे. एका कंत्राटदारानं चक्क ChatGPT च्या मदतीनं रस्ता तयार केला आहे.
व्हिडिओ पाहण्यासाठी येथे क्लिक करा
होय, ऐकून विश्वास बसणार नाही, पण या व्हिडीओमध्ये दिसतं की ना डांबर, ना खडी, ना सिमेंट काहीच वापरण्यात आलेलं नाही. केवळ एका ठिकाणाचा फोटो काढण्यात आला आणि AI च्या मदतीनं काही मिनिटांत चकाचक रस्ता तयार झाला. व्हिडीओ पाहून तुम्ही देखील डोक्याला हातच लावाल.
(फोटो सौजन्य – sndconstruction.india/Instagram)कसा तयार केला रस्ता? 
हा व्हिडीओ @sndconstruction.india या इन्स्टाग्राम पेजवरून शेअर करण्यात आला आहे. या व्हिडीओमध्ये तुम्ही पाहू शकता, एक व्यक्ती चक्क ChatGPT च्या मदतीने रस्ता तयार करत असल्याचं दाखवलं गेलं आहे.
झालं असं की, त्यानं खराब रस्त्याचा एक फोटो घेतला आणि तो ChatGPT अॅपमध्ये अपलोड करून त्यावर काही सूचना दिल्या. आणि मग काय? अवघ्या काही सेकंदांत त्याला नवा, चकाचक रस्त्याचा एक फोटो तयार करून मिळाला!
यानंतर त्यानं हा फोटो कुठल्याशा अधिकाऱ्याला पाठवला आणि “रस्ता तयार झाला आहे” असं सांगितलं. सर्वात धक्कादायक म्हणजे, त्या अधिकाऱ्यानंही त्याला “लवकरच उर्वरित पैसे दिले जातील” अशा आशयाचा रिप्लाय दिला.
(फोटो सौजन्य – sndconstruction.india/Instagram)
हा व्हिडीओ आतापर्यंत तब्बल ४८ लाखांहून अधिक वेळा पाहिला गेला आहे. गंमत म्हणजे, हा रस्ता प्रत्यक्षात तयार केलेला नाही. फक्त त्याचा एक फोटो AI च्या मदतीने तयार करण्यात आला आहे.
आणखी एक गोष्ट म्हणजे, हा संपूर्ण व्हिडीओ स्क्रिप्टेड असल्याची शक्यता वाटते. म्हणजे प्रत्यक्षात कुठल्याही कंत्राटदाराने असा प्रकार केला आहे, असं सिद्ध होत नाही.
पण आपल्या देशात काही लोक इतके हुशार आहेत की, तो दिवस दूर नाही, जेव्हा कुणी कंत्राटदार ChatGPT वर तयार केलेला रस्त्याचा फोटो दाखवून म्हणेल “मीच तो रस्ता केला होता… पण नंतर कुणीतरी उखडून टाकला!” असो, हा व्हिडीओ पाहून तुमच्या मनात काय विचार आले? तुमच्या प्रतिक्रिया नक्की सांगा.